யானை நடமாட்டம் அதிகமுள்ள இந்த கிராமத்தில் 15 குடும்பங்களில் 60க்கும் மேற்பட்ட மக்கள் வசித்து வருகின்றனர். மின்சார வசதி, சாலை வசதி, குடிநீர் வசதி எதுவுமின்றி இயற்கையோடு அப்பகுதி மக்கள் வாழ்ந்து வருகின்றனர். வனத்தை நேசித்து பழகிப்போன மக்களுக்கு வன விலங்குகளை பார்த்தும் பயம் கிடையாது. 70க்கும் மேற்பட்ட ஏக்கரில் மானாவாரியாக இயற்கை விவசாயம் செய்து வருகின்றனர். பெரும்பாலான விவசாயிகள் இன்று செயற்கை ரசாயன உரங்களை கொண்டு பயிரிடுகின்றனர். ஆனால், இந்த கிராமத்தை சேர்ந்த சில விவசாயிகள் இயற்கை விவசாயம் செய்கின்றனர். இயற்கை விஞ்ஞானி நம்மாழ்வாரின் வானகம் போன்ற சில பசுமை அமைப்புகளும் ஊர் ஊராய் சென்று இயற்கை விவசாயத்தை பறைசாற்றி வருகின்றனர்.

ராமரணை கிராமம் மழை வளம் அதிகமுள்ள கிராமம். மானாவாரி விவசாயம் இங்கு செழிப்போடு உள்ளது. இப்பகுதி மக்களின் விவசாய முறையே வித்தியாசப்பட்டது; வனத்தில் உள்ள காய்ந்த இலைகள், சருகுகள் மேலும் கால்நடை கழிவுகள் முதலியவற்றை கொண்டு உரம் தயாரித்து பயன்படுத்துகின்றனர். பீன்ஸ், ராகி, எள் போன்றவற்றை பயிரிடுகின்றனர். இவர்கள் உற்பத்தி செய்யும் பொருட்களை ஈரோடு, திருப்பூர், கோத்தகிரி பசுமை அங்காடிகளில் விற்பனை செய்கின்றனர். இயற்கை முறையில் விளைவித்த பொருட்களுக்கு சந்தையில் அதிக விலை கிடைக்கிறது.

நிலக்கடலை வேர் முடிச்சுகளை உருவாக்கும் பயிராதலால் ரைசோபியம் உயிர் உரத்தை விதை நேர்த்தி செய்தும், வயலில் இட்டும், தழைச் சத்தை மிச்சப்படுத்தலாம். வேளாண்மை துறையால் வழங்கப்படும் நுண்ணுர கலவை ஏக்கருக்கு 5 கிலோ இடுவதால் பயிர் செழிப்புடன் வளர்ந்து அதிக மகசூல் அளிக்கும் என்றார்.தென்காசி வேளாண்மை உதவி இயக்குநர் ஐரிஷ்சேகர் வரவேற்றார். மாவட்ட வேளாண்மை துணை இயக்குநர் துரைப்பாண்டியன் பேசும் போது, நிலக்கடலையில் திரட்சியான கடலை கிடைக்க ஜிப்சம் ஏக்கருக்கு 160 கிலோ என்ற அளவில் இட வேண்டும் என்றார்.

விதை சான்று உதவி இயக்குநர் பிரமநாயகம், விதை சான்று அலுவலர் அசோகன் எண்ணெய் வித்துகளில் விதை உற்பத்தி பற்றி பயிற்சி அளித்தனர். வேளாண்மை அலுவலர் உதயகுமார் நிலக்கடலையில் உரக்கலவை கரைசல் தெளிக்கும் முறை குறித்து விளக்கினார். துணை வேளாண்மை அலுவலர் லட்சுமி நாராயணன் பாலிதீன் விரிப்பில் நிலக்கடலை சாகுபடி செய்யும் உத்தி குறித்து பேசினார்.விவசாயிகளுக்கு எண்ணெய் வித்துகள் சாகுபடி குறித்த தொழில் நுட்பங்களை விளக்கும் கருத்து காட்சி நடந்தது. ஏற்பாடுகளை வேளாண்மை உதவி அலுவலர்கள் சபரிராஜன், நாகராஜன், பரமசிவன், மாரியப்பன், அன்சர் அலி, குமார் செய்திருந்தனர்.

தமிழ்நாடு விவசாயிகள் சங்கம் சார்பில், முதல்வருக்கு அனுப்பிய கோரிக்கை மனு விபரம்: தமிழகத்தில் சேலம், நாமக்கல், ஈரோடு, கோவை, கரூர், திருச்சி, திண்டுக்கல், தேனி, மதுரை, தஞ்சை, புதுக்கோட்டை, விழுப்புரம், கடலூர், திருவண்ணாமலை, வேலூர், தர்மபுரி, கிருஷ்ணகிரி, பெரம்பலூர் உள்ளிட்ட 18 மாவட்டங்களில் மரவள்ளி கிழங்கு அதிகப்படியாக சாகுபடி செய்யப்படுகிறது.

கல்வராயன்மலை, பச்சமலை, கொல்லிமலை உள்ளிட்ட மலைகளில் தற்போது அறுவடை நடந்து வருகிறது. கடந்த ஆண்டு இதேவேளையில் மூட்டைக்கு 750 ரூபாய் வரை கிடைத்தது. அதேபோல் ஸ்டார்ச் மூட்டை 3,000 ரூபாய், ஜவ்வரிசி மூட்டை 5,000 ரூபாய் என விலை கிடைத்து வந்தது.

தாய்லாந்தில் இருந்து மூன்று லட்சம் மூட்டை ஜவ்வரிசி இறக்குமதி செய்யப்பட்டு வந்த நிலையில், கள்ளிபூச்சி நோய் தாக்குதலால் அங்கு மரவள்ளி உற்பத்தி வெகுவாக குறைந்துள்ளது. அதன் காரணமாக விலையும் கடுமையாக அதிகரித்துள்ளது. தமிழகத்திலும் விலை உயர்ந்திருக்க வேண்டும். ஆனால், மரவள்ளி விலையோ மூட்டைக்கு 350 ரூபாய் குறைவாக வீழ்ச்சியடைந்துள்ளது. ஸ்டார்ச் மூட்டைக்கு 2,000 ரூபாய், ஜவ்வரிசி மூட்டைக்கு 3,000 ரூபாய் என குறைந்துள்ளது.

ஒரு பக்கம் மரவள்ளி மகசூல் குறைவு, இன்னொரு பக்கம் மழை இல்லாதது, புரோக்கர்களின் தில்லு முல்லு, பாய்ன்ட் பார்ப்பதிலும், எடை போடுவதிலும் மோசடி நடக்கிறது. அதையும் தாண்டிவந்தால் ஸ்டார்ச் மற்றும் ஜவ்வரிசிக்கு விலையில்லை என மரவள்ளி கொள்முதல் தடுக்கப்படுகிறது.

சிறு, குறு, நடுத்தர ஸ்டார்ச் மற்றும் ஜவ்வரிசி உற்பத்தியாளர்களை கேட்டால், சேலம், நாமக்கல் மாவட்டத்தில் உள்ள பெரும் ஸ்டார்ச் மற்றும் ஜவ்வரிசி ஆலை உரிமையாளர்களும், வியாபாரிகளும் தங்களின் கட்டுப்பாட்டுக்குள் வைத்துக்கொள்ள ஜவ்வரிசி, ஸ்டார்ச் விலையை குறைத்து வருகிறார்கள் என்கின்றனர்.

மாவுப்பூச்சி நோய் பரவி வருவதால் விவசாயிகளும் கவலையடைந்துள்ளனர். விலை பிரச்னை ஒருபுறம், நோய் தாக்குதல் மறுபுறம் என்றிருந்தால் விவசாயிகள், ஸ்டார்ச், ஜவ்வரிசி உற்பத்தியாளர்கள் பாதிக்கப்படுவர். மரவள்ளி விவசாயத்தை பாதுகாக்க தமிழக அரசு உரிய நடவடிக்கை எடுக்க வேண்டும்.

மலைப்பகுதி கிழங்குகள் 90 சதவீதம் அறுவடையாகியும், தரைபகுதி கிழங்குகள் இன்னும் ஓரிரு மாதங்களில் அறுவடைக்கு வர உள்ளது. சென்ற ஆண்டு கிடைத்த விலைக்கு குறையாமல் அதாவது மூட்டைக்கு 750 ரூபாய்க்கு குறையாமல் கொள்முதல் விலை கிடைக்க வேண்டும்.

ஆண்டுதோறும் மத்திய அரசு மரவள்ளிக்கு உரிய விலை நிர்ணயம் செய்ய வேண்டும், பரவி வரும் மாவுப்பூச்சி நோய் தாக்குதலை கட்டுப்படுத்த வேண்டும். இடைத்தரகர்களின் கொள்ளையை தடுக்க வேண்டும். அரசு சார்பாக வாகன ஏற்பாடு, பாயின்ட் மிஷின் மற்றும் எடைமேடை அமைத்து தர வேண்டும். சேலம் சேகோசர்வ் மூலம் மட்டுமே ஜவ்வரிசி விற்பனையை உறுதிப்படுத்த வேண்டும். ஆலை அதிபர்கள், வியாபாரிகள் வரி செலுத்தாமல் செய்யும் ஜவ்வரிசி வர்த்தகத்தை தடை செய்ய வேண்டும். கள்ள மார்க்கெட்டில் விற்பனை செய்பவர்கள் மீது கிரிமினல் வழக்கு பதிவு செய்து நடவடிக்கை எடுக்க வேண்டும். இவ்வாறு அதில் தெரிவித்துள்ளது.